Annou fè Linivèsité palé Kréyòl !

28 òktòb sé jou-gloriyé a lang kréyòl toupatou asi Latè. Men sé tout lanné-la pou nou filé lang an nou é piplis ankò lè òktòb vin sonné. Annou palé, kouté, manjé, viv lang é kilti kréyòl Gwadloup é Matnik, toupatou Linivèsité, agou a kè an nou!

Koutzyé asi tipawòl Gwadloup é Matnik :

• 1-Lendi 2 òktòb : Pa konnèt sé on péyi ki mérité konnèt.
• 2-Mawdi 3 òktòb : Dépi ou brilé bwa, fò ou fè chabon.
• 3-Mèwkrédi 4 òktòb : Apatoudi menné koulèv lékòl, sé fè-y sizé ki tout.
• 4-Jédi 5 òktòb :Sé jòdi nou ka mété rasin dèmen an tè. (Mtk)
• 5-Vandrèdi 6 òktòb : Sa i lévé bonnè ka bwè kafé fò, sa i lévé ta ka bwè kyòlòlò.
• 6-Sanmdi 7 òktòb : Fok ou alé bò dlo pou konnet langaj pwéson. (maké Mtk)
• 7-Lendi 9 òktòb : Pa konnèt mové, rasin a-y anmè.
•  8-Mawdi 10 òktòb : Si pa té ni tig, makak té ké wa laforè (maké Mtk)
•  9-Mèwkrédi 11 òktòb : Sé dèyè bwa i ni bwa. 
• 10-Jédi 12 òktòb :  Fok ou kayé pwason, pou ni bway. (maké Mtk)
• 11-Vandrèdi 13 òktòb : Travay dèyè poko mannyé.
• 12-Sanmdi 14 òktòb : An bef chapé, an pawol pé chapé (maké Mtk)
• 13-Lendi 16 òktòb : Fò ou manké néyé pou aprann najé.
• 14-Mawdi 17 òktòb : Lariviè pé anpéché'w pasé, i pé pa anpéché'w tounen (maké Mtk)
•  15-Mèwkrédi 18 òktòb : Sa i pa ka kyouyé ka angrésé.
• 16-Jédi 19 òktòb : Bel lang ka ba chouval a krédi (maké Mtk)
• 17-Vandrèdi 20 òktòb : A pa lè ou fen pou ou mété manjé si difé.
• 18-Sanmdi 21 òktòb : Sé mèl an pyébwa ki rakonté-w sa ki pasé lakay ou (maké Mtk)
• 19-Lendi 23 òktòb : Apatoudi kawòt, sé sòs-la!
• 20-Mawdi 24 òktòb : Koko sek toujou ni dlo (maké Mtk)
• 21-Mèwkrédi 25 òktòb : Gadé sé nouriti a zyé.
• 22-Jédi 26 òktòb : Fwi ki lé mi ka rété anba fey (maké Mtk)
• 23-Vandrèdi 27 òktòb : Krab i pa ka maché pa ka gra.
• 24-Sanmdi 28 òktòb :Atantif kon an chyen boutik (maké Mtk)
• 25-Lendi 30 òktòb : Travay sé travay, jwé sé jwé.
• 26-Mawdi 31 òktòb : Gran montré piti, piti montré gran.